每年10月開始就係食蟹季節，有些酒樓會有大閘蟹放題，但單食大閘蟹有點單調，滿足唔到我，知道諾特東薈城酒店Essence推出了「蟹」趣無窮自助餐，任食多款來自世界各地的蟹品佳餚，例如法國麵包蟹、泰國加菲蟹、美國珍寶蟹、越南藍花蟹等，大量菜式加上了蟹肉和蟹膏去精心調製，而且每位客人更會獲贈一隻「清蒸大閘蟹」（原價$148），以蟹為主題的自助餐，未食已經流口水了。
Essence自助晚餐一向非常抵食，坐位闊落舒適，空間感充足，周一至周五成人價只係$294，食物種類款式多得驚人。
凍海鮮方面，有青口、法國麵包蟹、泰國加菲蟹、蟹腳、鮮蝦、蜆和翡翠螺，星期六日仲有長腳蟹供應，全部新鮮美味，而且refill速度驚人，唔似其他酒店自助餐要搶食蟹蓋。
熱葷方面，有不少非常惹味的中式小炒，例如干燒蟹肉伊麵、薑蔥炒蟹、泰式黃咖喱炒蟹。另外有入口白滑的雞油花蛋白雕蒸蟹、雞油花蛋白雕蒸蟹、芝士焗蟹蓋、紅酒燴牛腩、原條蒸魚和時令蔬菜。
湯品類就有焗蟹肉酥皮湯、羅宋湯，中式例湯，特別值得一提竟然有兩款秋季名物，滋補暖胃，有助血氣運行的蛇羹及臘味糯米飯，其他酒店自助餐極少見。
日式菜式就有醬油蟹壽司、幾款壽司，刺身就有三文魚、吞拿魚和鯛魚，刺身油脂分布均勻，入口嫩滑。
室外仲特設有燒烤區，有服務員即場燒南瓜、燒茄子、燒冬菇、燒螺、燒虎蝦、燒豬肉、燒豬頸肉、燒生蠔、燒雞翼、燒羊架、燒粟米，香氣撲鼻。
冷盤位置就有多款沙律菜、蟹肉沙律、日式蟹枊冷麵沙律、日式蟹籽沙律、芝士、餅乾、新鮮麵包、凍肉、煙三文魚等。
另外還有即製香脆墨西哥辣蟹沙拉粟米片、即燒豬肋骨、豬腳薑、水蟹粥和即叫即製的蟹黃擔擔麵。
甜品種類更是海量豐富，有鮮果蛋糕、抹茶蛋糕、朱古力慕絲蛋糕、栗子蛋糕、香橙牛油蛋糕、葡撻、綠茶慕絲、意大利芝士餅、士多啤梨慕絲、瑞士卷、雲石芝士餅、士多啤梨奶凍、法式什錦曲奇、朱古力噴泉、紅豆糕、啫喱、玫瑰糕、南瓜糕、西瓜、哈密瓜，還有姜糖爆谷和姜糖棉花糖，見小朋友最愛就是甜品區了。
雪糕是Movenpick 雪糕，有多款味，很多味都是平時比較少機會食到，例如意大利奶凍、特濃咖啡、冧酒提子、呍呢拿夢幻、薄荷朱古力，還有士多啤梨。
飲品就有蘋果汁，自家制的薑茶和甘筍橙汁，還有飲品機可以自己沖製多款飲品。
Essence「蟹」趣無窮自助餐
日期:2023 年 10 月 4 日至 11 月 30 日
時間:自助午餐 ~ 中午 12:00 – 下午 2:30 ; 自助晚餐 ~ 下午 6:30 – 晚上 9:30
午餐(7 折後): 周一至周五 成人 HK$203/ 兒童 HK$161 午餐(7 折後): 周六、周日和公共假期 成人 HK$252/ 兒童 HK$199.5
晚餐(7 折後): 周一至周五 成人 HK$294/ 兒童 HK$238 晚餐(7 折後): 周六、周日和公共假期 成人 HK$322 / 兒童 HK$266
Essence (東涌)
東涌文東路51號諾富特東薈城酒店大堂
#Cafe #酒店 #HOTEL #buffet #自助餐 #東涌 #打卡 #Staycation #諾富特東薈城酒店 #Essence #Novotel Citygate Hong Kong
(此文章由U Blog 同步發佈至社群)
